Skip to main content

Warmoog Samaale waxba ma ogee, ma la socotaa..... || dhammaadka xukunka doollar-ka iyo gunnaanadka awoodda galbeedka ||

 Warmoog Samaale waxba ma ogee, ma la socotaa..... || dhammaadka xukunka doollar-ka iyo gunnaanadka awoodda galbeedka ||


BRICS oo ah xarfaha u horreeya waddamadda Baraasiil, Ruushka, Hindiya, Jaynaha iyo Koonfurta Afrika, oo ah kala badh dadka koonka ku nool ayaa ku bahoobay urur loogu wanqalay BRICS. Badhtamahii bishii Abriil, Alexander Babavov, Afhayeen ku xigeenka aqalka Baarlamaanka Ruushka ayaa warbaahinta ka sheegay in ay Waddankiisa, bahwadaagta cusub ee BRICS iyo waddamadda Afrika ay qorsheynayaan abuuridda Lacag cusub, oo suuqa ka saari doonta doollarka Maraykanka 

Haddii hirgalinta lacagtaa waddamaddani isku raacan. 


Bilawgii toddobaadkii hore shir ay koonfurta Afrika ku yeesheen waddamadaasi, waxay isbahaysigan ku darreen Arjantiin, isutagga imaaradaha Carabta, Sucuudiga, Itoobiya, Iiraan iyo Masar, magacii BRICS-na hadda kaddib waxa loo bedelay BRICS+. Haddii qorshahaasi hirgalo, oo waddamaddaa caanka ku ah wax soo saarka kala duwan iyo shiidaalku, misna isku afgartaan in lacag cusub oo digital ah ay sameystaan ama lacagahooda ay ku ganacsadaan. Doolarka iyo Galbeedka oo Maraykanku gadhwadeen u yahay waa u dhamataay. Ganacsiga, maalgashiga iyo lacagaha kaydka ahna dhankaa ayay u wareegi doomta. Taaso ka dhigan in Dalalka Addunka 70% ay ka guuri doonan adeegsiga Lacagta xoog weynta Maraykanka. Dollarkuna wuxuu noqon doonnaa lacag qiimo beesha oo la mid ah no


Dhanka aynu warmoogga ka nahay.


Deegaannada Soomaaliddu ganacsiga gudaha iyo dibbadaba waxa ay wax ku iibsadaan lacagta Dollarka, dhanka kale lacagaha u kaydsan Maamuulladda, Ganacsata iyo bulshaduba waa lacagta qalaad ee maraykanka. Suurayso bal jaalle, adeegsiga lacagtaa aynu sidaa u adeegsannaa haddii hal mar ay qiimo beesho. Dhaqalaheenna oo imikaba cago adag aan ku taagnayn halkee ku danbeyn doonaa? Ummad taxadka tagta ayaynu noqonaynaa. Maamulladda iyo Ganacsata Soomaaliyeed haddii qorshe la jaanqaada isbed-beddelka Addunku aanay la iman, Subax ayaynu soo kici doonnaa dhaqaalaheenn oo taxadka soo taabtay iyo inaga oo hoog iyo adhaxda jab dhex dabaalanayna.

Comments

Post a Comment

Popular posts from this blog

April 20 2024 | Dhalashadayda. Xus, Xasuus iyo samatabaxa badbaado ee naftayda.

Maanta oo kale, dhawr iyo labaatan gu'u hortood baan dunida imi. Been baan sheegay haddii aan idhaa waan ku faraxsanahay sannadguurada soddonka u dhow ee dhalashadayda, inaan weli iska noolahay iyo debaaldegga maalinta dhalashadayda. Dhawr iyo labaatan sanno kadib dhalashadayda, mar kasta oo da'a iyo sannad lasoo hadal qaado xaalad jahowareer, walbahaar, werwer iyo iswaa ahbaan galaa oo fashil, liidnimo iyo niyadjab baan dareemaa. Qof guuldarreystay, madhan oo nolosha ku fashilmay inaan ahay baan istusaa. Sabab dheh, dhawr sababoodba. Dharaarihii dhallaanimo ee noloshu nayaayirada ii lahayd baan dhaafay, kal danbe oo kor oo kaalin gal la i yidhaa iima hadhin. Dhanka kale, milaygii u danbeeyay, gu'gii ii kordhaaba meehaal, kar iyo kulayl ay umuuruhu jaal iga dhigeen ayuu watay. Waad odhan kartaa " Maxamed-ayaandarran, riyooyinkiisa iyo aragtiyahii uu u nolaa ayuu ku fashilmay iyo wixii la hal-maala e", aan dib kuugu celiyo ammintii dhalashadayda. Ragow barasho, gee...
Post a Comment
Sii Akhri »

20-ka Abriil — Sannadguuro dhalasho— jab iyo dib-u-dhalasho ku ay tahayba

Sannad ka hor-sannadguuradii dhalashadayda xuskeedii ayay ahayd markii aan nafta ku idhi: " Tanaasul xaajada kusoo idlee," se marmarsiiyo— may —ee aan idhaahdo aragti ah; Muuse Biixi degelka in la dhaafiyo iyo halganka aragtidaa markan ka libin keeno labada mabda'a ee danbe ( dhulka cadawga madow haysto xornimo raadinteeda, iyo fikradda Somali Nationalism) inaan ka tashto, oo iska ilaawo ama tayda gaar ahaaneed aan dalaw ka tuuro oo kuwaa u go'o ayaa qorshuhu ahaa. Milaygani go'aan kama danbeys ah ayaan qaatay. Waan is dhiibay— inkastoo qalbigayga iyo damiirkaygaba aan dulmiyey. May, qof walba oo leh mabaadii iyo aragtiyo halgan wadareed ah, wakhtigaa u run sheega, misna ku yidhaahda : "ka tanaasul, ka daneyso oo taada gaarka ah ku foof. Isma beddelin, ismana beddeli doono, balse ugu yaraan inta aan uga tamaraysanayo tayda shaqsiyadeed ayaan mudnaan ( Priority) siiyay. Waa go'aan istaraatiiji ah oo badbaado ii noqon kara. Jid cusub ayaan marayaa – mid ay ...
Post a Comment
Sii Akhri »

Wehelkayga noloshay miyaan kuu warramay?;

Xilo-jannooy, sannad walba 14-ka Febawori waxa loo asteeyay maalinka jacaylka lammanayaasha is doortay. Haa, nin Valentine la yidhaahdo ayaa unkay. Waxay ku baxday, sababta ay u baxday iyo sirta ka danbeysayba waxba inagama gelin. Dhanka kale, ma aha in jacaylka dharaar keliya xus jacayl lagu asteeyo. Milaygii kasta wuxuu inoo yahay "Days of Love" Iyadoo sidaasi ay tahay ma jirto wax ii diidaya inaan dhex raacsado bilaayiinta farriimaha jacayl isu diraya ee jilaya jacaylka iyo kalgacalka. Muhiimaddaydu waa inaynu xusno maalmaha ku suntan jacaylka. Aynu weynayno dharaartani, ku dheelno oo dhegaysanno heesaha aynu jecelnahay.  Gacaliso, ma jirto maalin aanan kaa fekerin oo niyaddaydaba kama baxdid. Adba waad ogtahay sida aan obsessed kuugu ahay. Jacaylka aan kuu hayo ma aha mid ku kooban hal maalin oo keliya—waa dareen aan maalinkasta xambaarsanahay. Waa dareen dhabta ah oo aan rabo inuu sii jiro inta aan noolahay. Jacayl, daacadnimo iyo wanaag oo dhan baad u qalantaa. Ma ogi ...
Post a Comment
Sii Akhri »