Skip to main content

Mo adani | sanadka 2022

 365 Maalmood Tagto iyo Timaado


 Maalmo kooban  aya inaga xiga in 2021 uu god galo; waxa aynu galaynna qaban-qaabada, qorshayaasha iyo bud-dhiga  yoolasha aynu ku wajihi lahayn 2022.

2021-kii galbay, waxa aynu ku macasalamaynaynaa khibradihii iyo waayo-aragnnimaddii aynu 365 kaas maalmood ee tagay ka dhaxalnay. Hilaada 2022 kana waxa aynu kusoo dhawaynaynaa niyad-sami, qorshayaal, hiddidiilo, hammi sare, ahdaaf iyo doonis ka mug weyn kana miisaan culus shalay.





Sannadka 2021 labbada weji ee noloshu koobsatayba wuu i tusay, misna marar badan wuu isku kay qaawiyay, oo dhabarka ayuu ii jeediyay, waxana uu iigu sidkanaa dharaaro adag, isku buuq ay weheliyaan ammin aan wanaagsanayn, walbahaar, welwel iyo murugo ayaanu mararka qaar ii qariyay. Waxa aan ku wajahay oo  kaga soo gudbay calool adayg, wakiilasho alle,  samir iyo dhiiri gelin, dhanka kale wuxuu igu simay oo uu lammane iga dhigay  dharaaro  farxadeed iyo bilo qurxoon oo rejooyin iyo himmilooyin badan aan ka midho dhaliyay kana dhabeyay;  inkastoo aanu ii noqon sidii aan u qaabaystay una qorshaystay sannadkaas sii gabaabsigaa.      

Waa kii  abwaan cismaan keenadiid yidhi

“Aduunyda caawiyo maalin

 weys ciribinaayaane

Cabbaarkii yaree kaa tagaa

 waa cad kaa go’ane

Cimrigaan gabaabsiga 

noqdeye sii ciriiri-yoobey

Camalfalasho wixii aan ahayn

 kagama ciil beeshid”

Sannadka curtayoow noqo mid barwaaqo iyo badhaadhe oo farta malab la darsado.


Not my best year but indeed i learnt a lot.

Comments

Post a Comment

Popular posts from this blog

April 20 2024 | Dhalashadayda. Xus, Xasuus iyo samatabaxa badbaado ee naftayda.

Maanta oo kale, dhawr iyo labaatan gu'u hortood baan dunida imi. Been baan sheegay haddii aan idhaa waan ku faraxsanahay sannadguurada soddonka u dhow ee dhalashadayda, inaan weli iska noolahay iyo debaaldegga maalinta dhalashadayda. Dhawr iyo labaatan sanno kadib dhalashadayda, mar kasta oo da'a iyo sannad lasoo hadal qaado xaalad jahowareer, walbahaar, werwer iyo iswaa ahbaan galaa oo fashil, liidnimo iyo niyadjab baan dareemaa. Qof guuldarreystay, madhan oo nolosha ku fashilmay inaan ahay baan istusaa. Sabab dheh, dhawr sababoodba. Dharaarihii dhallaanimo ee noloshu nayaayirada ii lahayd baan dhaafay, kal danbe oo kor oo kaalin gal la i yidhaa iima hadhin. Dhanka kale, milaygii u danbeeyay, gu'gii ii kordhaaba meehaal, kar iyo kulayl ay umuuruhu jaal iga dhigeen ayuu watay. Waad odhan kartaa " Maxamed-ayaandarran, riyooyinkiisa iyo aragtiyahii uu u nolaa ayuu ku fashilmay iyo wixii la hal-maala e", aan dib kuugu celiyo ammintii dhalashadayda. Ragow barasho, gee...
Post a Comment
Sii Akhri »

20-ka Abriil — Sannadguuro dhalasho— jab iyo dib-u-dhalasho ku ay tahayba

Sannad ka hor-sannadguuradii dhalashadayda xuskeedii ayay ahayd markii aan nafta ku idhi: " Tanaasul xaajada kusoo idlee," se marmarsiiyo— may —ee aan idhaahdo aragti ah; Muuse Biixi degelka in la dhaafiyo iyo halganka aragtidaa markan ka libin keeno labada mabda'a ee danbe ( dhulka cadawga madow haysto xornimo raadinteeda, iyo fikradda Somali Nationalism) inaan ka tashto, oo iska ilaawo ama tayda gaar ahaaneed aan dalaw ka tuuro oo kuwaa u go'o ayaa qorshuhu ahaa. Milaygani go'aan kama danbeys ah ayaan qaatay. Waan is dhiibay— inkastoo qalbigayga iyo damiirkaygaba aan dulmiyey. May, qof walba oo leh mabaadii iyo aragtiyo halgan wadareed ah, wakhtigaa u run sheega, misna ku yidhaahda : "ka tanaasul, ka daneyso oo taada gaarka ah ku foof. Isma beddelin, ismana beddeli doono, balse ugu yaraan inta aan uga tamaraysanayo tayda shaqsiyadeed ayaan mudnaan ( Priority) siiyay. Waa go'aan istaraatiiji ah oo badbaado ii noqon kara. Jid cusub ayaan marayaa – mid ay ...
Post a Comment
Sii Akhri »

Wehelkayga noloshay miyaan kuu warramay?;

Xilo-jannooy, sannad walba 14-ka Febawori waxa loo asteeyay maalinka jacaylka lammanayaasha is doortay. Haa, nin Valentine la yidhaahdo ayaa unkay. Waxay ku baxday, sababta ay u baxday iyo sirta ka danbeysayba waxba inagama gelin. Dhanka kale, ma aha in jacaylka dharaar keliya xus jacayl lagu asteeyo. Milaygii kasta wuxuu inoo yahay "Days of Love" Iyadoo sidaasi ay tahay ma jirto wax ii diidaya inaan dhex raacsado bilaayiinta farriimaha jacayl isu diraya ee jilaya jacaylka iyo kalgacalka. Muhiimaddaydu waa inaynu xusno maalmaha ku suntan jacaylka. Aynu weynayno dharaartani, ku dheelno oo dhegaysanno heesaha aynu jecelnahay.  Gacaliso, ma jirto maalin aanan kaa fekerin oo niyaddaydaba kama baxdid. Adba waad ogtahay sida aan obsessed kuugu ahay. Jacaylka aan kuu hayo ma aha mid ku kooban hal maalin oo keliya—waa dareen aan maalinkasta xambaarsanahay. Waa dareen dhabta ah oo aan rabo inuu sii jiro inta aan noolahay. Jacayl, daacadnimo iyo wanaag oo dhan baad u qalantaa. Ma ogi ...
Post a Comment
Sii Akhri »